۩ Rasool Allah ne Abdullah bin Umar se (bataur salwaal) dariyaft kiya: Mujhe batlaya gaya hai ke tum saari raat nawafil padhte ho aur din ko roza rakhte ho. Agar tum aisa karoge to tumhari ankhe kamzor aur tabiyat sust ho jaegi. Is liye roza rakho aur iftar bhi kar. Raat ko qiyam karo aur nind bhi puri karo, 1 maah mein 1 baar Quran e Paak khatam kar liya karo, inho ne arz ki mai is se zyada tilaawat karne ki taaqat rakhta hu.
Aap ne farmaya: Toh 20 din me khatam karliya karo, inhone kaha main is se bhi zyada taaqat rakhta hu. Aap ne farmaya: 7 din mein khatam kar liya karo. Is se zyada ki ijaazat nahi. Kyou’nke tumhari biwi ka tum par haq hai, tumhare mulaqatiyo’n ka tum par haq hai, tumhare badan ka tum par haq hai, aur shayad tumhari umar ziyada ho (aur tum ye kaam budhape me na kar sako).
Abdullah bin Umar jab budhe hue to aarzu karte the ke kaash mai RasoolAllah ki ruqsat qubool kar leta.’
(Bukhari: Fazaael Quran 5054 – Muslim: al Siyaam 1159)
Fir Aap ne inhe Quran paak 3 din mein khatam karne ki ijaazat dedi aur farmaya: ‘Quran e paak se us shas ko kuch samajh haasil nahi ho sakti jo 3 din se kam muddat me Quran e paak khatam karta hai.’
Jamia Tirmizi, kitab al Qira‐at, hadees- 2949; Sunan Abu Dawood, hadees-1390. Imam Tirmizi ne ise Hasan Saheeh kaha.
۩ RasoolAllah ne masjid ke andar 2 sutoono ke darmiyan latki hui rassi dekhi toh pucha ke ye kya hai? Logo ne kaha: Ye Zainab ki rassi hai wo (raat ko nawafil) namaz padhti rahti hai fir jab sust ho jaati hai ya thak jaati hai toh is rassi ko pakad leti hain.’ Aap ne farmaya: ‘Is ko khol daalo, har shaks apni khushi ke muwafiq (nawafil) namaz padhe fir jab sust ho jaae ya thak jaae toh aaraam kare.’
Sahih Muslim, kitab salatul musafireen, hadees- 784.
Is se maloom hua ke jaaez lazzato se kinara kashi aur jismani takleef par mushtamil sufiyana riyaazato aur mujahidaat ka Islam me koi tasawwuf nahi hai.
۩ Nabi e Rahmat ne farmaya: ‘Itna a’amal ikhtiyar karo jis qadar tumhe takat ho. Allah ki qasam! Allah sawab dene se nahi thakta lekin tum amal karne se thak jaaoge.’
Sahih Muslim, kitab salatul musafireen, hadees- 785.
•٠•●●•٠•
Post a Comment